ಎಮಿಲಿ ಡಿಕಿನ್ಸನ್

ಒಂದು ಹೃದಯ ಒಡೆಯುವುದನ್ನು ನಾನು ತಡೆಯಬಲ್ಲೆನಾದರೆ, ನಾನು ವ್ಯರ್ಥವಾಗಿ ಬದುಕಿದಂತಾಗದು.

ಪರಿಚಯ

ಎಮಿಲಿ ಎಲಿಜûಬೆತ್ ಡಿಕಿನ್ಸನ್ (ಡಿಸೆಂಬರ್ ೧೦, ೧೮೩೦ – ಮೇ ೧೫, ೧೮೮೬) ಓರ್ವ ಅಮೆರಿಕನ್ ಕವಯಿತ್ರಿ. ಆಕೆಯ ಜೀವಿತಾವಧಿಯಲ್ಲಿ ಬಹುತೇಕ ಅಪರಿಚಿತರಾಗಿದ್ದ ಡಿಕಿನ್ಸನ್ ಇಂದು ೧೯ನೇ ಶತಮಾನದ ಶ್ರೇಷ್ಠ ಅಮೆರಿಕನ್ ಕವಿಗಳಲ್ಲಿ ಒಬ್ಬರೆಂದು ಪರಿಗಣಿಸಲ್ಪಟ್ಟಿದ್ದಾರೆ. ಅವರು ಬರೆದ ಸುಮಾರು ೧,೭೮೯ ಕವನಗಳಲ್ಲಿ ಕೆಲವು ಮಾತ್ರ ಅವರ ಜೀವಿತಾವಧಿಯಲ್ಲಿ ಪ್ರಕಟವಾದವು, ಎಲ್ಲವೂ ಅನಾಮಧೇಯವಾಗಿ.

ಉಲ್ಲೇಖಗಳು

• ದೇವರು ಇಲ್ಲಿ ಕುಳಿತು, ನಾನು ಸರಿಯಾದ ಆಲೋಚನೆಗಳನ್ನು ಮಾಡುತ್ತಿದ್ದೇನೆಯೇ ಎಂದು ನೋಡಲು ನನ್ನ ಆತ್ಮದೊಳಗೆ ದೃಷ್ಟಿ ಹಾಯಿಸುತ್ತಿದ್ದಾನೆ. ಆದರೂ ನಾನು ಹೆದರುವುದಿಲ್ಲ, ಏಕೆಂದರೆ ನಾನು ಸರಿಯಾಗಿ ಮತ್ತು ಒಳ್ಳೆಯವಳಾಗಿ ಇರಲು ಪ್ರಯತ್ನಿಸುತ್ತೇನೆ; ಮತ್ತು ನನ್ನ ಪ್ರತಿಯೊಂದು ಹೋರಾಟವನ್ನೂ ಆತನಿಗೆ ತಿಳಿದಿದೆ.
  • ಮೂಲ: ಅಬಯಾ ರೂಟ್‌ಗೆ ಬರೆದ ಪತ್ರ (೨೯ ಜನವರಿ ೧೮೫೦)

• ನನ್ನ ಸ್ನೇಹಿತರೇ ನನ್ನ "ಆಸ್ತಿ." ಅವರನ್ನು ಕೂಡಿಡುವ ದುರಾಸೆಗಾಗಿ ನನ್ನನ್ನು ಕ್ಷಮಿಸಿ.
  • ಮೂಲ: ಸ್ಯಾಮ್ಯುಯೆಲ್ ಬೌಲ್ಸ್‌ಗೆ ಬರೆದ ಪತ್ರ (೧೮೫೮ ಅಥವಾ ೧೮೫೯)

• ಬದುಕುವುದೇ ಎಷ್ಟು ಬೆರಗುಗೊಳಿಸುವಂಥದ್ದು, ಅದು ಬೇರೆ ಯಾವ ಕೆಲಸಕ್ಕೂ ಹೆಚ್ಚು ಜಾಗ ಬಿಡುವುದಿಲ್ಲ.
  • ಮೂಲ: ಟಿ. ಡಬ್ಲ್ಯೂ. ಹಿಗಿನ್ಸನ್‌ಗೆ ಬರೆದ ಪತ್ರ (೧೮೭೨)

• ನಾವು ವರ್ಷಗಳೊಂದಿಗೆ ಹಿರಿಯರಾಗುವುದಿಲ್ಲ, ಬದಲಿಗೆ ಪ್ರತಿದಿನವೂ ಹೊಸಬರಾಗುತ್ತೇವೆ.
  • ಮೂಲ: ಲೂಯಿಸ್ ನಾರ್ಕ್ರಾಸ್‌ಗೆ ಬರೆದ ಪತ್ರ (೧೮೭೨)

• "ಆಶಾಭಾವ" ಎಂಬುದು ಗರಿಗಳುಳ್ಳ ಒಂದು ವಸ್ತು –
  ಅದು ಆತ್ಮದಲ್ಲಿ ಕುಳಿತುಕೊಳ್ಳುತ್ತದೆ –
  ಮಾತುಗಳಿಲ್ಲದೆ ರಾಗವನ್ನು ಹಾಡುತ್ತದೆ –
  ಮತ್ತು ಎಂದಿಗೂ ನಿಲ್ಲುವುದಿಲ್ಲ –
  • ಮೂಲ: "Hope" is the thing with feathers (ಕವನ)

• ನಾನು ಯಾರೂ ಅಲ್ಲ! ನೀವು ಯಾರು?
  ನೀವೂ ಸಹ – ಯಾರೂ ಅಲ್ಲವೇ?
  • ಮೂಲ: I'm Nobody! Who are you? (ಕವನ)

• ಒಂದು ಹೃದಯ ಒಡೆಯುವುದನ್ನು ನಾನು ತಡೆಯಬಲ್ಲೆನಾದರೆ,
  ನಾನು ವ್ಯರ್ಥವಾಗಿ ಬದುಕಿದಂತಾಗದು;
  ಒಂದು ಜೀವನದ ನೋವನ್ನು ಕಡಿಮೆ ಮಾಡಬಲ್ಲೆನಾದರೆ,
  ಅಥವಾ ಒಂದು ವೇದನೆಯನ್ನು ಶಮನಗೊಳಿಸಬಲ್ಲೆನಾದರೆ,
  ಅಥವಾ ಮೂರ್ಛೆಗೊಂಡ ಒಂದು ರಾಬಿನ್ ಹಕ್ಕಿಗೆ
  ಮತ್ತೆ ಗೂಡು ಸೇರಲು ನೆರವಾಗಬಲ್ಲೆನಾದರೆ,
  ನಾನು ವ್ಯರ್ಥವಾಗಿ ಬದುಕಿದಂತಾಗದು.
  • ಮೂಲ: If I can stop one Heart from breaking (ಕವನ)

• ನಾನು ಸಾವಿಗಾಗಿ ನಿಲ್ಲಲಾಗಲಿಲ್ಲ –
  ಅವನೇ ದಯೆಯಿಂದ ನನಗಾಗಿ ನಿಂತ –
  ಬಂಡಿಯಲ್ಲಿ ನಾವಿಬ್ಬರೇ ಇದ್ದೆವು –
  ಮತ್ತು ಅಮರತ್ವ.
  • ಮೂಲ: Because I could not stop for Death (ಕವನ)

• ಎಂದೂ ಸಿದ್ಧಪಡಿಸದ ಒಂದು ಮದ್ಯವನ್ನು ನಾನು ಸವಿಯುತ್ತೇನೆ –
  ಮುತ್ತಿನಿಂದ ಕೊರೆದ ಪಾತ್ರೆಗಳಿಂದ –
  ಫ್ರಾಂಕ್‌ಫರ್ಟಿನ ಯಾವ ಹಣ್ಣುಗಳಿಂದಲೂ
  ಇಂತಹ ಮದ್ಯ ಸಿಗದು!
  • ಮೂಲ: I taste a liquor never brewed (ಕವನ)

• ಸಾಧನೆ ಅತ್ಯಂತ ಸಿಹಿಯೆನಿಸುವುದು
  ಎಂದೂ ಗೆಲ್ಲದವರಿಗೆ.
  • ಮೂಲ: Success is counted sweetest (ಕವನ)

• ಸತ್ಯವನ್ನೆಲ್ಲಾ ಹೇಳಿ, ಆದರೆ ಓರೆಯಾಗಿ ಹೇಳಿ –
  ಯಶಸ್ಸು ಸುತ್ತುಬಳಸಿನಲ್ಲಿದೆ...
  ಸತ್ಯ ಕ್ರಮೇಣ ಬೆಳಗಬೇಕು
  ಇಲ್ಲದಿದ್ದರೆ ಪ್ರತಿಯೊಬ್ಬನೂ ಕುರುಡಾಗುವನು –
  • ಮೂಲ: Tell all the Truth but tell it slant (ಕವನ)

• ನನ್ನ ಜೀವನ ಅದರ ಅಂತ್ಯಕ್ಕೂ ಮೊದಲೇ ಎರಡು ಬಾರಿ ಮುಗಿಯಿತು...
  ಬೇರ್ಪಡುವಿಕೆಯೇ ಸ್ವರ್ಗದ ಬಗ್ಗೆ ನಮಗೆ ತಿಳಿದಿರುವುದೆಲ್ಲಾ,
  ಮತ್ತು ನರಕದ ಬಗ್ಗೆ ನಮಗೆ ಬೇಕಾಗಿರುವುದೆಲ್ಲಾ.
  • ಮೂಲ: My life closed twice before its close (ಕವನ)

• ಚಳಿಗಾಲದ ಮಧ್ಯಾಹ್ನಗಳಲ್ಲಿ,
  ಬೆಳಕಿನ ಒಂದು ವಿಶಿಷ್ಟ ಓರೆ ಇರುತ್ತದೆ –
  ಅದು ಚರ್ಚಿನ ಸಂಗೀತದ ಭಾರದಂತೆ ಭಾರವಾಗಿಸುತ್ತದೆ –
  • ಮೂಲ: There's a certain Slant of light (ಕವನ)

• ಆತ್ಮ ತನ್ನದೇ ಸಂಗವನ್ನು ಆರಿಸಿಕೊಳ್ಳುತ್ತದೆ –
  ನಂತರ – ಬಾಗಿಲು ಮುಚ್ಚುತ್ತದೆ –
  • ಮೂಲ: The Soul selects her own Society (ಕವನ)

• ಕೀರ್ತಿ ಎನ್ನುವುದು ಜೇನುನೊಣ ಇದ್ದಂತೆ. ಹಾಡುತ್ತದೆ. ಕುಟುಕುತ್ತದೆ. ಅಲ್ಲದೆ, ಹಾರಿಯೂ ಹೋಗುತ್ತದೆ. - ೧೬:೦೬, ೧೦ ಫೆಬ್ರುವರಿ ೨೦೧೪ (UTC)  ರಂದು ಪ್ರಜಾವಾಣಿಯಲ್ಲಿ ಪ್ರಕಟಗೊಂಡ ಸುಭಾಷಿತ.

ಬಾಹ್ಯ ಕೊಂಡಿಗಳು

ವಿಕಿಮೀಡಿಯ ಕಾಮನ್ಸ್‌ನಲ್ಲಿ ಎಮಿಲಿ ಡಿಕಿನ್ಸನ್ ಕುರಿತ ಹೆಚ್ಚಿನ ಚಿತ್ರಗಳಿವೆ.