ಬ್ರೂಸ್ ಲೀ

ಬ್ರೂಸ್‌ ಲೀಯವರು (೨೭ ನವೆಂಬರ್‌ ೧೯೪೦ – ೨೦ ಜುಲೈ ೧೯೭೩) ಅಮೆರಿಕಾದಲ್ಲಿ ಜನಿಸಿದ ಚೀನಾದ ಹಾಂಗ್‌ ಕಾಂಗ್‌ನಲ್ಲಿರುವ ನಟ, ಸಮರ ಕಲಾ ನಿಪುಣ, ತತ್ವಜ್ಞಾನಿ, ಚಲನಚಿತ್ರ ನಿರ್ದೇಶಕ, ಚಿತ್ರಕಥೆಗಾರ, ವಿಂಗ್‌ ಚುನ್‌ ವೃತ್ತಿಗಾರ ಮತ್ತು ಜೀತ್‌ ಕುನೆ ಡೊ ಎಂಬ ಕಲ್ಪನೆಯ ಸ್ಥಾಪಕರಾಗಿದ್ದಾರೆ. ಹಲವರು ಅವರನ್ನು ೨೦ನೇ ಶತಮಾನದ ಹೆಚ್ಚು ವರ್ಚಸ್ಸುಳ್ಳ ಸಮರ ಕಲಾ ನಿಪುಣ ಮತ್ತು ಸಾಂಸ್ಕೃತಿಕ ಮುತ್ಸದ್ಧಿ ಎಂದೇ ಪರಿಗಣಿಸಿದ್ದಾರೆ.

ನುಡಿಮುತ್ತುಗಳು

ಹತ್ತು ಸಾವಿರ ಒದೆತಗಳನ್ನು ಒಮ್ಮೆ ಅಭ್ಯಾಸ ಮಾಡಿದ ವ್ಯಕ್ತಿಗೆ ನಾನು ಹೆದರುವುದಿಲ್ಲ, ಆದರೆ ಹತ್ತು ಸಾವಿರ ಬಾರಿ ಒಂದೇ ಒದೆತವನ್ನು ಅಭ್ಯಾಸ ಮಾಡಿದ ವ್ಯಕ್ತಿಗೆ ನಾನು ಹೆದರುತ್ತೇನೆ.
ಉಪಯುಕ್ತವಾದದ್ದನ್ನು ಹೀರಿಕೊಳ್ಳಿ. ಉಪಯುಕ್ತವಲ್ಲದ್ದನ್ನು ಬಿಟ್ಟುಬಿಡಿ. ನಿಮ್ಮದೇ ವೈಶಿಷ್ಟ್ಯವನ್ನು ಸೇರಿಸಿ.
ನೀವು ಮಾಡುವ ಪ್ರತಿಯೊಂದಕ್ಕೂ, ದೈಹಿಕವಾಗಿ ಅಥವಾ ಬೇರೆ ಯಾವುದಕ್ಕೂ ಯಾವಾಗಲೂ ಮಿತಿ ಹಾಕುತ್ತಿದ್ದರೆ, ಅದು ನಿಮ್ಮ ಕೆಲಸ ಮತ್ತು ನಿಮ್ಮ ಜೀವನದ ಮೇಲೂ ಪ್ರಭಾವ ಬೀರುತ್ತದೆ. ಜೀವನದಲ್ಲಿ ಯಾವುದೇ ಮಿತಿಗಳಿಲ್ಲ. ಕೇವಲ ಪ್ರಸ್ಥಭೂಮಿಗಳಿವೆ. ನೀವು ಅಲ್ಲಿಯೇ ಇರಬಾರದು, ನೀವು ಅವುಗಳನ್ನು ಮೀರಿ ಹೋಗಬೇಕು.
ಸುಲಭದ ಜೀವನಕ್ಕಾಗಿ ಪ್ರಾರ್ಥಿಸಬೇಡಿ, ಕಠಿಣವಾದದ್ದನ್ನು ಸಹಿಸಿಕೊಳ್ಳುವ ಶಕ್ತಿಗಾಗಿ ಪ್ರಾರ್ಥಿಸಿ.
ಜ್ಞಾನವು ನಿಮಗೆ ಶಕ್ತಿಯನ್ನು ಕೊಡುತ್ತದೆ ಮತ್ತು ವ್ಯಕ್ತಿತ್ವವು ನಿಮಗೆ ಗೌರವವನ್ನು ಕೊಡುತ್ತದೆ
ನಿಮ್ಮ ಜೀವನದಲ್ಲಿ ಬರುವ ಅಡೆತಡೆಗಳನ್ನು ನಿಮ್ಮ ದಾರಿಯಲ್ಲಿ ಬರುವ ಅಡೆತಡೆಗಳಾಗಿ ಸ್ವೀಕರಿಸುತ್ತೀರಾ ಅಥವಾ ಮೇಲೇರುವ ಮೆಟ್ಟಿಲುಗಳಾಗಿ ಸ್ವೀಕರಿಸುತ್ತೀರಾ? ಸಕಾರಾತ್ಮಕವಾದದ್ದನ್ನು ಆರಿಸಿ. ನಿಮ್ಮ ಮನೋಭಾವದ ಯಜಮಾನ ನೀವೇ..
ನೀವು ಏನನ್ನಾದರೂ ಅಸಾಧ್ಯವೆಂದು ಹೇಳಿದಾಗ, ನೀವೇ ಅದನ್ನು ಅಸಾಧ್ಯವನ್ನಾಗಿ ಮಾಡುತ್ತೀರಿ.
ನಿಮ್ಮ ಮನಸ್ಸನ್ನು ಖಾಲಿ ಮಾಡಿ, ನೀರಿನಂತೆ ಆಕಾರವಿಲ್ಲದೆ ನಿರಾಕಾರವಾಗಿರಿ. ನೀವು ಒಂದು ಕಪ್‌ಗೆ ನೀರನ್ನು ಹಾಕಿದರೆ, ಅದು ಕಪ್ ಆಗುತ್ತದೆ. ನೀವು ನೀರನ್ನು ಬಾಟಲಿಗೆ ಹಾಕಿದರೆ ಅದು ಬಾಟಲಿಯಾಗುತ್ತದೆ. ನೀವು ಅದನ್ನು ಟೀಪಾಟ್‌ನಲ್ಲಿ ಹಾಕಿದರೆ ಅದು ಟೀಪಾಟ್ ಆಗುತ್ತದೆ. ಈಗ, ನೀರು ಹರಿಯಬಹುದು ಅಥವಾ ಅದು ಅಪ್ಪಳಿಸಬಹುದು. ನೀರಾಗಿರಿ, ನನ್ನ ಸ್ನೇಹಿತರೆ.
ನೆನಪಿಡಿ, ಯಶಸ್ಸು ಒಂದು ಪ್ರಯಾಣ, ಅದು ಗಮ್ಯಸ್ಥಾನವಲ್ಲ. ನಿಮ್ಮ ಸಾಮರ್ಥ್ಯದಲ್ಲಿ ನಂಬಿಕೆ ಇಡಿ. ನೀವು ಚೆನ್ನಾಗಿ ಮಾಡುತ್ತೀರಿ.
ಅಲ್ಪಾವಧಿಯ ತೀವ್ರತೆಗಿಂತ ದೀರ್ಘಾವಧಿಯ ಸ್ಥಿರತೆ ಮೇಲುಗೈ ಸಾಧಿಸುತ್ತದೆ.
ನಮ್ಮ ನಿಜವಾದ ಆತ್ಮವನ್ನು ಅರಿತುಕೊಳ್ಳಲು ನಾವು ಇತರರ ಅಭಿಪ್ರಾಯಗಳನ್ನು ಅವಲಂಬಿಸದೆ ಬದುಕಲು ಸಿದ್ಧರಿರಬೇಕು.
ಎಲ್ಲರೂ ಗೆಲ್ಲುವುದು ಹೇಗೆಂದು ಕಲಿಯಲು ಬಯಸುತ್ತಾರೆ, ಆದರೆ ಸೋಲನ್ನು ಹೇಗೆ ಸ್ವೀಕರಿಸುವುದು ಎಂದು ಯಾರೂ ಕಲಿಯಲು ಬಯಸುವುದಿಲ್ಲ.
ನೀವು ಒಂದು ವಿಷಯದ ಬಗ್ಗೆ ಯೋಚಿಸುವುದರಲ್ಲಿ ಹೆಚ್ಚು ಸಮಯ ಕಳೆದರೆ, ನೀವು ಅದನ್ನು ಎಂದಿಗೂ ಪೂರ್ಣಗೊಳಿಸುವುದಿಲ್ಲ.
ಭಾವನೆಗಳು ಶತ್ರುವಾಗಬಹುದು, ನೀವು ನಿಮ್ಮ ಭಾವನೆಗಳಿಗೆ ಶರಣಾದರೆ, ನೀವು ನಿಮ್ಮನ್ನು ಕಳೆದುಕೊಳ್ಳುತ್ತೀರಿ. ನೀವು ನಿಮ್ಮ ಭಾವನೆಯೊಂದಿಗೆ ಒಂದಾಗಿರಬೇಕು, ಏಕೆಂದರೆ ದೇಹವು ಯಾವಾಗಲೂ ಮನಸ್ಸನ್ನು ಅನುಸರಿಸುತ್ತದೆ.
ಅವ್ಯವಸ್ಥೆಯ ಮಧ್ಯದಲ್ಲಿ ಅವಕಾಶವಿರುತ್ತದೆ.
ನಿಮ್ಮ ಗುರಿಯತ್ತ ಪ್ರತಿದಿನ ಕನಿಷ್ಠ ಒಂದು ನಿರ್ದಿಷ್ಟ ನಡೆಯನ್ನಾದರೂ ಮಾಡಿ.
ಚಾಂಪಿಯನ್ ಆಗಲು ತಯಾರಿಯ ಬಗ್ಗೆ ಉತ್ತಮ ಮಾನಸಿಕ ಮನೋಭಾವದ ಅಗತ್ಯವಿದೆ. ನೀವು ಅತ್ಯಂತ ಬೇಸರದ ಕೆಲಸವನ್ನು ಸಂತೋಷದಿಂದ ಸ್ವೀಕರಿಸಬೇಕು.
ದುಃಖಗಳೇ ನಮ್ಮ ಅತ್ಯುತ್ತಮ ಶಿಕ್ಷಕ. ದೂರದರ್ಶಕದ ಮೂಲಕ ನೋಡುವುದಕ್ಕಿಂತ ಕಣ್ಣೀರಿನ ಮೂಲಕ ಮನುಷ್ಯ ಹೆಚ್ಚಿನದನ್ನು ನೋಡಬಹುದು.
ಯಶಸ್ವಿ ಯೋಧ ಎಂದರೆ ಲೇಸರ್ ತರಹದ ಗಮನ ಹೊಂದಿರುವ ಸರಾಸರಿ ಮನುಷ್ಯ.
ಇಂದಿನ ಪ್ರತಿಯೊಬ್ಬ ಮನುಷ್ಯನು ನಿನ್ನೆಯ ಆಲೋಚನೆಗಳ ಫಲಿತಾಂಶ.
ತಿಳಿದುಕೊಂಡರೆ ಸಾಲದು, ನೀವು ಅಳವಡಿಸಿಕೊಳ್ಳಬೇಕು.
- ಎಜ಼ಡ್ ಕೋಟ್ಸ್‌ನಲ್ಲಿ ಪ್ರಕಟಿತವಾದ ಕೋಟ್‍ಗಳು.
ಇತ್ತೀಚಿನ ದಿನಗಳಲ್ಲಿ ನೀವು ಬೀದಿಯಲ್ಲಿ ಜನರನ್ನು ಒದೆಯುತ್ತಾ, ಜನರನ್ನು ಹೊಡೆಯುತ್ತಾ ಓಡಾಡುವುದಿಲ್ಲ - ಏಕೆಂದರೆ ನೀವು (ಕೈಯಲ್ಲಿ ಗನ್ ಆಕಾರವನ್ನು ತೋರಿಸುತ್ತಾ), ಅದನ್ನು ಮಾಡಿದರೆ - ನೀವು ಎಷ್ಟು ಒಳ್ಳೆಯವರು ಎಂಬುದನ್ನೂ ನಾನು ಪರಿಗಣಿಸುವುದಿಲ್ಲ.
- ಪಿಯರೆ ಬರ್ಟನ್ ಶೋ (೧೯೭೧) ನಲ್ಲಿ ಬ್ರೂಸ್ ಲೀ ಸಂದರ್ಶನ.