ವಿಷಯಕ್ಕೆ ಹೋಗು

ಕೊರಾಝಾನ್ ಅಕಿನೋ

ವಿಕಿಕೋಟ್ದಿಂದ
ಕೊರಾಜóನ್ ಅಕಿನೊ

ಪರಿಚಯ

[ಸಂಪಾದಿಸಿ]

ಮಾರಿಯಾ ಕೊರಾಜóನ್ "ಕೋರಿ" ಸುಮುಲಾಂಗ್ ಕೊಜುವಾಂಗ್ಕೊ-ಅಕಿನೊ (ಜನವರಿ ೨೫, ೧೯೩೩ – ಆಗಸ್ಟ್ ೧, ೨೦೦೯) ಒಬ್ಬ ಫಿಲಿಪ್ಪೀನ್ಸ್ ರಾಜಕಾರಣಿ. ಇವರು ೧೯೮೬ರಿಂದ ೧೯೯೨ರವರೆಗೆ ಫಿಲಿಪ್ಪೀನ್ಸ್‌ನ ೧೧ನೇ ಅಧ್ಯಕ್ಷೆಯಾಗಿ ಮತ್ತು ದೇಶದ ಮೊದಲ ಮಹಿಳಾ ಅಧ್ಯಕ್ಷೆಯಾಗಿ ಸೇವೆ ಸಲ್ಲಿಸಿದರು. ಅಧ್ಯಕ್ಷ ಫರ್ಡಿನಾಂಡ್ ಮಾರ್ಕೋಸ್ ಅವರ ಎರಡು ದಶಕಗಳ ಆಳ್ವಿಕೆಯನ್ನು ಕೊನೆಗೊಳಿಸಿ, ಇಂದಿನ ಪ್ರಜಾಸತ್ತಾತ್ಮಕ ಐದನೇ ಫಿಲಿಪ್ಪೀನ್ ಗಣರಾಜ್ಯದ ಸ್ಥಾಪನೆಗೆ ಕಾರಣವಾದ ೧೯೮೬ರ ಪೀಪಲ್ ಪವರ್ ಕ್ರಾಂತಿಯ ಪ್ರಮುಖ ವ್ಯಕ್ತಿ ಇವರಾಗಿದ್ದರು.

ಉಲ್ಲೇಖಗಳು

[ಸಂಪಾದಿಸಿ]
  • ನಾನು ಪವಾಡಗಳನ್ನು ನಂಬುತ್ತೇನೆ ಎಂದು ಹೇಳಲು ನನಗೆ ಸಂಕೋಚವಿಲ್ಲ.
    • ಮೂಲ: "Woman of the Year," Time (ಜನವರಿ ೫, ೧೯೮೭)
  • ದೇವರ ಕೃಪೆಯಿಂದ ಮತ್ತು ಫಿಲಿಪಿನೋ ಜನರ ಅಚಲ ನಂಬಿಕೆಯಿಂದ, ನಾವು ಈ ಸಂಕಷ್ಟದಿಂದ ಪಾರಾಗುತ್ತೇವೆ ಎಂಬ ವಿಶ್ವಾಸ ನನಗಿದೆ.
  • ಕೊಡುವುದರಲ್ಲಿ ನಾವು ಪಡೆಯುತ್ತೇವೆ; ಕಳೆದುಕೊಳ್ಳುವುದರಲ್ಲಿ ನಾವು ಕಂಡುಕೊಳ್ಳುತ್ತೇವೆ; ಮತ್ತು ಸೋಲಿನಿಂದಲೇ ನಾವು ಗೆಲುವನ್ನು ಕಸಿದುಕೊಂಡೆವು.
  • ನಾನು ಶಾಂತಿಯುತವಾಗಿ ಅಧಿಕಾರಕ್ಕೆ ಬಂದಂತೆ, ಅದನ್ನು ಅದೇ ರೀತಿ ಉಳಿಸಿಕೊಳ್ಳುತ್ತೇನೆ. ಅದು ನನ್ನ ಜನರೊಂದಿಗಿನ ಒಪ್ಪಂದ ಮತ್ತು ದೇವರೊಂದಿಗಿನ ನನ್ನ ಬದ್ಧತೆ.
  • ನಾವು ಮಾಡುವ ಒಳಿತು ಎಂದಿಗೂ ವ್ಯರ್ಥವಾಗುವುದಿಲ್ಲ; ಖಾಲಿ ಕೋಣೆಯಲ್ಲಿಯ ಬೆಳಕೂ ಸಹ ವ್ಯರ್ಥವಾಗುವುದಿಲ್ಲ.
  • ನಮ್ಮ ದೇಶದ ಸಮಸ್ಯೆಗಳಿಗೆ — ದಬ್ಬಾಳಿಕೆಯ ಚಾಳಿ, ಭ್ರಷ್ಟಾಚಾರದ ಒಲವು, ಸಾರ್ವಜನಿಕ ಹಿತಾಸಕ್ತಿಗೆ ದ್ರೋಹ — ಪ್ರಜಾಪ್ರಭುತ್ವದ ವರಗಳಾದ ಸ್ವಾತಂತ್ರ್ಯ, ಹಕ್ಕುಗಳು, ಪಾರದರ್ಶಕ ವ್ಯವಹಾರಗಳು ಮತ್ತು ಜನರಿಂದ ಜನರಿಗಾಗಿ ಇರುವ ಸರ್ಕಾರಕ್ಕಿಂತ ಪರಿಣಾಮಕಾರಿ ಪರಿಹಾರ ಬೇರೊಂದಿಲ್ಲ ಎಂದು ನಾನು ನಂಬಿದ್ದೆ.
  • ವೀರರಾಗುವ ಸೌಭಾಗ್ಯ ನೀಡಿದ ದೇಶಕ್ಕೆ ಮತ್ತು ಆ ಐತಿಹಾಸಿಕ ಕ್ಷಣಕ್ಕೆ ನಾವು ಕೃತಜ್ಞರಾಗಿರೋಣ.
  • ಅಧ್ಯಕ್ಷ ಸ್ಥಾನದ ಬಗ್ಗೆ ನನಗೆ ಏನೂ ಗೊತ್ತಿಲ್ಲ.
    • ಮೂಲ: ಮಾರ್ಕೋಸ್ ವಿರುದ್ಧ ಸ್ಪರ್ಧಿಸುವ ನಿರ್ಧಾರಕ್ಕೂ ಮೊದಲು, ೧೯೮೫ರಲ್ಲಿ ಹೇಳಿದ್ದು
  • ನಿನೋಯ್ ಅವರ ಸೆರೆವಾಸದ ಸಮಯದಲ್ಲಿ ಮತ್ತು ನನ್ನ ಅಧ್ಯಕ್ಷೀಯ ಅವಧಿಗೂ ಮೊದಲು, ಯಾವಾಗಲೂ ತ್ಯಾಗ ಮಾಡಬೇಕಾದದ್ದು ನಾವೇ ಏಕೆ ಎಂದು ನಾನು ಕೇಳಿಕೊಳ್ಳುತ್ತಿದ್ದೆ. ನಿನೋಯ್ ಅವರು ತೀರಿಕೊಂಡಾಗ, "ಈಗ ಅದು ನಾನೇ ಏಕೆ?" ಎಂದು ಕೇಳಿಕೊಳ್ಳುತ್ತಿದ್ದೆ. ನಾವು ಯಾವಾಗಲೂ ಬಲಿಪಶುಗಳಂತೆ ಭಾಸವಾಗುತ್ತಿತ್ತು.
  • ಜಗತ್ತಿನ ಇತಿಹಾಸದಲ್ಲಿ ಮೊದಲ ಬಾರಿಗೆ, ಒಂದು ನಾಗರಿಕ ಜನಸಮೂಹವನ್ನು ಸೇನೆಯನ್ನು ರಕ್ಷಿಸಲು ಕರೆಯಲಾಯಿತು.
  • ಅರ್ಥಹೀನ ಬದುಕನ್ನು ಬದುಕುವುದಕ್ಕಿಂತ ಅರ್ಥಪೂರ್ಣ ಸಾವನ್ನಪ್ಪುವುದನ್ನೇ ನಾನು ಬಯಸುತ್ತೇನೆ.
  • ಪತ್ರಿಕಾ ಸ್ವಾತಂತ್ರ್ಯದಲ್ಲಿ ನನಗೆ ದೃಢ ನಂಬಿಕೆ ಇದೆ. ನನ್ನ ಮೇಲೆ ಸುರಿಸಲಾದ ಟೀಕೆಗಳು ನೋವುಂಟುಮಾಡಿದರೂ, ಅವುಗಳನ್ನು ಸಾರ್ವಜನಿಕ ಸೇವೆಯ ಅಪಾಯಗಳ ಒಂದು ಭಾಗವಾಗಿ ಮತ್ತು ಪ್ರಾಮಾಣಿಕ ನಿರ್ವಹಣೆಗೆ ಪೂರಕವಾಗಿ ನಾನು ಸ್ವೀಕರಿಸುತ್ತೇನೆ.
  • ಪ್ರಜಾಪ್ರಭುತ್ವದ ಗೌರವವೇ ಇದು — ಅದರ ಅತ್ಯಂತ ಗಂಭೀರ ಕ್ಷಣ ಅಧಿಕಾರದ ಶಾಂತಿಯುತ ವರ್ಗಾವಣೆಯಾಗಿರಬೇಕು.
  • ದೇವರೇ ಸಾಕ್ಷಿ, ನಾನು ಪ್ರಾಮಾಣಿಕವಾಗಿ ನನ್ನಿಂದ ಸಾಧ್ಯವಾದಷ್ಟು ಮಾಡಿದೆ. ಇದಕ್ಕಿಂತ ಹೆಚ್ಚಿನದನ್ನು ಯಾರಿಂದಲೂ ಕೇಳಲಾಗದು. ನಮ್ಮ ಜನರು ಇಂದಿಗೂ ನನ್ನನ್ನು ಗೌರವಿಸುವಂತೆಯೇ ಇತಿಹಾಸವೂ ನನ್ನನ್ನು ಒಲವಿನಿಂದ ನಿರ್ಣಯಿಸಲಿ ಎಂದು ಆಶಿಸುತ್ತೇನೆ.

ಬಾಹ್ಯ ಕೊಂಡಿಗಳು

[ಸಂಪಾದಿಸಿ]

ವಿಕಿಮೀಡಿಯ ಕಾಮನ್ಸ್‌ನಲ್ಲಿ ಕೊರಾಝಾನ್ ಅಕಿನೋ ಕುರಿತ ಹೆಚ್ಚಿನ ಚಿತ್ರಗಳಿವೆ.