ಕೆ ಹುಯ್ ಕ್ವಾನ್

೨೦೧೯ ರಲ್ಲಿ ಕೆ ಹುಯ್ ಕ್ವಾನ್

ಕೆ ಹೂಯ್ ಕ್ವಾನ್ (ಚೈನೀಸ್: 關繼威, ವಿಯೆಟ್ನಾಮೀಸ್: Quan Kế Huy) (ಜನನ: ಆಗಸ್ಟ್ ೨೦, ೧೯೭೧), ಜೋನಾಥನ್ ಕೆ ಕ್ವಾನ್ ಎಂಬ ಹೆಸರಿನಿಂದಲೂ ಪರಿಚಿತರು, ವಿಯೆಟ್ನಾಮೀಸ್-ಅಮೇರಿಕನ್ ನಟ ಮತ್ತು ಸ್ಟಂಟ್ ಸಂಯೋಜಕರು. ಅವರು ಇಂಡಿಯಾನಾ ಜೋನ್ಸ್ ಅಂಡ್ ದ ಟೆಂಪಲ್ ಆಫ್ ಡೂಮ್ (೧೯೮೪) ಚಿತ್ರದಲ್ಲಿ ಶಾರ್ಟ್ ರೌಂಡ್ ಪಾತ್ರ ಮತ್ತು ದಿ ಗುನೀಸ್ (೧೯೮೫) ಚಿತ್ರದಲ್ಲಿ ಡೇಟಾ ಪಾತ್ರ ನಿರ್ವಹಿಸಿದ್ದಾರೆ. ಎವ್ರಿತಿಂಗ್ ಎವ್ರಿವೇರ್ ಆಲ್ ಅಟ್ ವನ್ಸ್ (೨೦೨೨) ಎಂಬ ವಿಜ್ಞಾನ ಕಲ್ಪನಾ ಚಲನಚಿತ್ರದಲ್ಲಿ ಬಹುಬ್ರಹ್ಮಾಂಡದಲ್ಲಿ ಸಂಚರಿಸುವ ಭೋಳಾದ ಗಂಡನ ಪಾತ್ರಕ್ಕಾಗಿ ಅವರು ಪ್ರಶಂಸೆಗೆ ಪಾತ್ರರಾಗಿ ಅನೇಕ ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ.

ಆರಂಭಿಕ ಜೀವನ

ಕ್ವಾನ್ ಕೆ ಹುಯ್ 1970 ಅಥವಾ 1971ರಲ್ಲಿ ದಕ್ಷಿಣ ವಿಯೆಟ್ನಾಂನ ಸೈಗಾನ್‌ನಲ್ಲಿ ಚೀನೀ ಮೂಲದ ಕುಟುಂಬದಲ್ಲಿ ಜನಿಸಿದರು. ಅವರಿಗೆ ಎಂಟು ಸಹೋದರ-ಸಹೋದರಿಯರು ಇದ್ದರು. 1975ರಲ್ಲಿ ವಿಯೆಟ್ನಾಂ ಯುದ್ಧ ಮುಗಿದ ಮೂರು ವರ್ಷಗಳ ನಂತರ, ಕ್ವಾನ್ ಮತ್ತು ಅವರ ಕುಟುಂಬ ವಿಯೆಟ್ನಾಂನಿಂದ ಪರಾರಿಯಾದರು. ಕ್ವಾನ್, ಅವರ ತಂದೆ ಮತ್ತು ಐದು ಸಹೋದರ-ಸಹೋದರಿಯರು ಹಾಂಗ್ ಕಾಂಗ್‌ಗೆ ತೆರಳಿದರು, ಹಾಗೆಯೇ ಕ್ವಾನ್ ಅವರ ತಾಯಿ ಮತ್ತು ಉಳಿದ ಮೂವರು ಸಹೋದರ-ಸಹೋದರಿಯರು ಮಲೇಶಿಯಾಗೆ ಹೋದರು. ಹಾಂಗ್ ಕಾಂಗ್‌ನ ಶರಣಾರ್ಥಿ ಶಿಬಿರದಲ್ಲಿ ಕೆಲವು ಕಾಲ ತಂಗಿದ ನಂತರ, 1979ರಲ್ಲಿ ಶರಣಾರ್ಥಿ ಪ್ರವೇಶ ಕಾರ್ಯಕ್ರಮದ ಭಾಗವಾಗಿ ಕ್ವಾನ್ ಅವರ ಸಂಪೂರ್ಣ ಕುಟುಂಬವನ್ನು ಅಮೇರಿಕಾದಲ್ಲಿ ಸ್ವೀಕರಿಸಲಾಯಿತು. ಅಮೇರಿಕಾದಲ್ಲಿ ಕ್ವಾನ್ ಕ್ಯಾಲಿಫೋರ್ನಿಯಾದಲ್ಲಿ ಬೆಳೆದರು, ಅಲ್ಲಿ ಅವರು ಲಾಸ್ ಏಂಜಲ್ಸ್‌ನ ಸುನ್ಲ್ಯಾಂಡ್-ತುಜುಂಗಾದ ಮೌಂಟ್ ಗ್ಲೀಸನ್ ಜೂನಿಯರ್ ಹೈ ಸ್ಕೂಲ್ ಮತ್ತು ಅಲ್ಹಾಂಬ್ರಾದ ಅಲ್ಹಾಂಬ್ರಾ ಹೈ ಸ್ಕೂಲ್‌ನಲ್ಲಿ ವಿದ್ಯಾಭ್ಯಾಸ ಮಾಡಿದರು.

ನುಡಿಗಳು

• ನೀವು ಒಂದು ಕನಸನ್ನು ಕಂಡಾಗ, ಅದು ನನಸಾಗುವುದಿಲ್ಲ ಎಂದು ಭಾವಿಸಿ ಅದನ್ನು ಹೂತುಹಾಕಿದಾಗ, ಅದು ಅಂತಿಮವಾಗಿ ನನಸಾಗುವುದನ್ನು ನೋಡುವುದು ಅದ್ಭುತವಾಗಿದೆ.
• ಬಹಳ ಕಾಲದಿಂದ, ನನಗೆ ಬೇಕಾಗಿದ್ದು ಕೇವಲ ಒಂದು ಕೆಲಸ – ಅಭಿನಯಿಸುವ ಅವಕಾಶ, ನಾನು ಏನು ಮಾಡಬಲ್ಲೆ ಎಂಬುದನ್ನು ಜನರಿಗೆ ತೋರಿಸುವ ಅವಕಾಶ. ಈ ‘ಎವ್ರಿತಿಂಗ್ ಎವ್ರಿವೇರ್ ಆಲ್ ಅಟ್ ವನ್ಸ್’ ಸಿನಿಮಾ ನನಗೆ ನಾನು ಕಲ್ಪಿಸಿಕೊಳ್ಳಲಾರದಷ್ಟು ಹೆಚ್ಚಿನದನ್ನು ಕೊಟ್ಟಿದೆ.
• ತಮ್ಮನ್ನು ತಾವು ಸಂಶಯಿಸುವ, ತಮ್ಮ ಕನಸುಗಳನ್ನು ಬಿಟ್ಟುಕೊಟ್ಟ ಅಥವಾ ಅವು ಎಂದಿಗೂ ನಿಜವಾಗುವುದಿಲ್ಲವೆಂದು ಭಾವಿಸುವ ಹಲವಾರು ಜನರಿದ್ದಾರೆ. ಅಂತಹ ಜನರಿಗೆ, ನನ್ನ ಕಥೆ ಪ್ರೇರಣೆಯಾಗಲಿ ಎಂದು ನಾನು ಆಶಿಸುತ್ತೇನೆ.
• ನಾನು ತುಂಬಾ ಪಾರಂಪರಿಕ ಚೀನೀ ಕುಟುಂಬ ಮೌಲ್ಯಗಳೊಂದಿಗೆ ಬೆಳೆದಿದ್ದೇನೆ. ಬಾಲ್ಯದಿಂದಲೇ ನನ್ನ ತಾಯಿ-ತಂದೆಗಳು ನಮ್ಮ ಭಾವನೆಗಳನ್ನು ಹೊರಗೆ ತೋರಿಸುವುದಕ್ಕಿಂತ ಅವನ್ನು ಒಳಗೆ ಒತ್ತಿಹಾಕಿಕೊಳ್ಳುವಂತೆ ಕಲಿಸಿದರು. ಇದು ಒಬ್ಬ ನಟನ ಸ್ವಭಾವಕ್ಕೆ ಸಂಪೂರ್ಣ ವಿರೋಧಿ. ಈ ಎಲ್ಲ ಒತ್ತಿಹಾಕಿಕೊಂಡ ಭಾವನೆಗಳೊಂದಿಗೆ, ನಾನು ಅವನ್ನು ಹೊರಗೆ ತರುವುದಕ್ಕಾಗಿ ನನ್ನೊಂದಿಗೆ ಬಹಳ ಸಮಯ ಕಳೆಯಬೇಕಾಯಿತು.
• ಸಿನಿಮಾ ಸೆಟ್‌ಗೆ ನಾನು ಕಾಲಿಟ್ಟಾಗ, ಈ ಅವಕಾಶ ಸಿಗುವುದು ಎಷ್ಟು ಕಷ್ಟ ಎಂಬುದನ್ನು ತಿಳಿದಿರುವುದರಿಂದ ನಾನು ಯಾವಾಗಲೂ ಕೃತಜ್ಞನಾಗಿರುತ್ತೇನೆ. ನನ್ನ ಐವತ್ತರ ವಯಸ್ಸಿನಲ್ಲಿ ನಟನಾಗಿ ಈ ಅದ್ಭುತ ಎರಡನೇ ಅವಕಾಶ ಸಿಗುತ್ತದೆ ಎಂದು ನಾನು ಭಾವಿಸಿರಲಿಲ್ಲ. ನನ್ನ ಕಥೆ ಯಾರಿಗಾದರೂ ತಮ್ಮ ಕನಸುಗಳನ್ನು ಬಿಟ್ಟುಬಿಡಬಾರದೆಂಬ ಪ್ರೇರಣೆಯಾಗಲಿ ಎಂದು ನಾನು ಆಶಿಸುತ್ತೇನೆ.
• ನಾನು ಮತ್ತೆ ಅಭಿನಯ ಕ್ಷೇತ್ರಕ್ಕೆ ಬಂದಾಗ, ನನ್ನ ಜನ್ಮ ಹೆಸರಿಗೆ ಮರಳಬೇಕು ಎಂದು ತೀರ್ಮಾನಿಸಿದೆ – ಅದು ನನಗೆ ತುಂಬಾ ಮುಖ್ಯವಾಗಿತ್ತು
• ಏಷ್ಯನ್ ನಟರಿಗೆ ಹೆಚ್ಚಿನ ಅವಕಾಶಗಳು ಸಿಗುತ್ತಿರುವುದನ್ನು ನಾನು ಗಮನಿಸಿದೆ, ಮತ್ತು ನಾನು ಮತ್ತೆ ನಟನೆಗೆ ಮರಳುವ ಕನಸನ್ನು ಹೊಂದಲು ಪ್ರಾರಂಭಿಸಿದೆ, ಆದರೆ ಆ ಕನಸಿಗೆ ಧ್ವನಿ ನೀಡಲು ಸಾಕಷ್ಟು ಧೈರ್ಯ ಬೇಕಾಯಿತು. ಒಂದು ದಿನ ನಾನು ತೀರ್ಮಾನಿಸಿದೆ: ನಾನು ಇದನ್ನು ಈಗ ಮಾಡದಿದ್ದರೆ, ನಂತರ ಖಂಡಿತವಾಗಿ ಪಶ್ಚಾತ್ತಾಪಪಡುತ್ತೇನೆ.
• ಎಲ್ಲವೂ ಕಾರಣಕ್ಕಾಗಿಯೇ ಸಂಭವಿಸುತ್ತದೆ. ಬಹಳ ಕಾಲ ನಾನು ಆತ್ಮವಿಶ್ವಾಸವಿಲ್ಲದೆ, ನಾನು ಸಾಕಷ್ಟು ಉತ್ತಮವಲ್ಲ ಎಂದು ಭಾವಿಸುತ್ತಿದ್ದೆ. ಪ್ರತಿ ಸಲ ನಾನು ಕೆಲಸವನ್ನು ಇನ್ನೊಬ್ಬರಿಗೆ ಕಳೆದುಕೊಂಡಾಗ, ‘ಅವನು ಈ ಕೆಲಸಕ್ಕೆ ನನಗಿಂತ ಹೆಚ್ಚು ಅರ್ಹ’ ಎಂದುಕೊಳ್ಳುತ್ತಿದ್ದೆ. ಈಗ ನನಗೆ ಅರ್ಥವಾಗಿದೆ – ಎಲ್ಲವೂ ಆಗಬೇಕಾದಂತೆ ಆಗಿತ್ತು. ಆದ್ದರಿಂದ ಕೈಬಿಡಬೇಡಿ.
• ಅಭಿನಯವನ್ನು ಬಿಟ್ಟು ದೂರ ಸರಿಯುವ ನಿರ್ಧಾರ ಸುಲಭವಾಗಿರಲಿಲ್ಲ. ಆ ಸಮಯದಲ್ಲಿ ಆಶಿಯನ್ ನಟರಿಗೆ ಹೆಚ್ಚಿನ ಅವಕಾಶಗಳು ಇರಲಿಲ್ಲ ಎಂಬ ವಾಸ್ತವವನ್ನು ನಾನು ಒಪ್ಪಿಕೊಳ್ಳಬೇಕಾಯಿತು. ನನಗೆ ಬೇರೆ ಮಾರ್ಗ ಇರಲಿಲ್ಲ, ಆದ್ದರಿಂದ ನಾನು ಫಿಲ್ಮ್ ಶಾಲೆಗೆ ಹೋಗಿ ಪದವಿ ಪಡೆದ ನಂತರ ಕ್ಯಾಮೆರಾ ಹಿಂದೆ ಕೆಲಸ ಮಾಡಲು ಆರಂಭಿಸಿದೆ.
• ಆದರೆ ಕಳೆದ ಆರು ತಿಂಗಳಲ್ಲಿ ನಾನು ಅತ್ತದ್ದೇ, ಹಿಂದಿನ ಇಪ್ಪತ್ತು ವರ್ಷಗಳಲ್ಲಿ ಅತ್ತದ್ದಕ್ಕಿಂತ ಹೆಚ್ಚಾಗಿದೆ ಎಂದು ನನಗೆ ಅನಿಸುತ್ತದೆ. ಜನರು ಪರದೆ ಮೇಲೆ ನನ್ನನ್ನು ಎಷ್ಟು ಮಿಸ್ ಮಾಡುತ್ತಿದ್ದರು ಎಂಬ ಅದ್ಭುತ ಮಾತುಗಳನ್ನು ಕೇಳುವುದು ಮತ್ತು ನನ್ನ ವಾಪಸನ್ನು ಅವರು ಹೃದಯಪೂರ್ವಕವಾಗಿ ಸ್ವೀಕರಿಸಿರುವುದು ನನಗೆ ತುಂಬಾ ಭಾವುಕರನ್ನಾಗಿಸಿದೆ.
• "ವಿಚಿತ್ರವೆಂದರೆ, ನಾನು ಚಿಕ್ಕವನಾಗಿದ್ದಾಗ ಅಭಿನಯವನ್ನು ವೃತ್ತಿಯಾಗಿಸಲು ಯೋಚಿಸಲಿಲ್ಲ. ಆದರೆ ನಾನು ದೊಡ್ಡವನಾದಂತೆ, ವಿಶೇಷವಾಗಿ ತಡಕಿಶೋರಾವಸ್ಥೆ ಮತ್ತು ಇಪ್ಪತ್ತರ ಪ್ರಾರಂಭದಲ್ಲಿ, ನಾನು ಇದನ್ನು ಗಂಭೀರವಾಗಿ ತೆಗೆದುಕೊಂಡೆ. ಅದೇ ನನ್ನ ವೃತ್ತಿಯಾಗಬೇಕೆಂದು ನಾನು ಬಯಸಿದೆ. ಆದರೆ ಅದನ್ನು ಹಿಂಬಾಲಿಸಲು ಆರಂಭಿಸಿದಾಗ, ನನಗೆ ಹೆಚ್ಚಿನ ಅವಕಾಶಗಳು ಇರಲಿಲ್ಲ. ಆ ಸಮಯದಲ್ಲಿ ಆಶಿಯನ್ ನಟನಾಗಿ ಅವಕಾಶ ಪಡೆಯುವುದು ತುಂಬಾ ಕಷ್ಟವಾಗಿತ್ತು. ಹಾಲಿವುಡ್‌ನಲ್ಲಿ ಬಹಳ ಕಡಿಮೆಮಟ್ಟದ ಬಾಲನಟರು ಯಶಸ್ವಿಯಾಗಿ ವಯಸ್ಕ ನಟನೆಯತ್ತ ಸುಗಮವಾಗಿ ತಿರುಗುತ್ತಾರೆ. ಅದು ಅನೇಕರಿಗೆ ಕಷ್ಟವಾದರೂ, ಆಶಿಯನ್ ನಟನಿಗೆ ಅದು ನೂರು ಪಟ್ಟು—ಸಾವಿರ ಪಟ್ಟು ಕಷ್ಟ. ನಾನು ತುಂಬಾ ಚಿಕ್ಕ ವಯಸ್ಸಿನಲ್ಲೇ ಒಂದು ದ್ವಂದ್ವದಲ್ಲಿ ಸಿಕ್ಕಿಕೊಂಡೆ. ನಾನು ನನಗೆ ಹೆಚ್ಚಿನ ಅವಕಾಶಗಳಿಲ್ಲದ ದಾರಿಯಲ್ಲೇ ಮುಂದುವರಿಯಬೇಕಾ? ಅಥವಾ ನನಗೆ ಏನು ಮಾಡಬೇಕು ಎಂಬುದೇ ತಿಳಿಯದ ಅನಿಶ್ಚಿತ ದಾರಿಯನ್ನು ಹಿಡಿಯಬೇಕಾ? ಎಂಬ ಪ್ರಶ್ನೆಯಲ್ಲಿ ನಾನು ಬಹಳ ಸಮಯ ಹೋರಾಡಿದೆ. ಅದೇ ಸಮಯದಲ್ಲಿ, ಒಂದು ಅದ್ಭುತ ಅವಕಾಶಕ್ಕಾಗಿ, ಇಂಡಿಯಾನಾ ಜೋನ್ಸ್ ಅಥವಾ ದಿ ಗುನೀಸ್ ಸಿನಿಮಾವಿನಂತಹ ಪಾತ್ರಕ್ಕಾಗಿ, ಅಥವಾ ಒಳ್ಳೆಯ ಆಶಿಯನ್ ನಟನ ಪಾತ್ರಕ್ಕಾಗಿ ಫೋನ್ ಬರುವ ನಿರೀಕ್ಷೆಯಲ್ಲಿದ್ದೆ, ಆದರೆ ಅದು ಎಂದಿಗೂ ಬಂದಿಲ್ಲ. ನಾನು ತುಂಬಾ ನಿರಾಶನಾಗಿದ್ದೆ ಮತ್ತು ಮನಸ್ಸಿಗೆ ತುಂಬಾ ನೋವಾಗಿದೆ.
• ನಾನು ಯಾವ ಸ್ಥಳದಿಂದ ಬಂದಿದ್ದೇನೆ ಎಂಬುದನ್ನು ಎಂದಿಗೂ ಮರೆತಬಾರದು ಮತ್ತು ನನಗೆ ಮೊದಲ ಅವಕಾಶ ನೀಡಿದವರನ್ನು ಯಾವಾಗಲೂ ನೆನಪಿನಲ್ಲಿ ಇಡಬೇಕು ಎಂದು ನನ್ನನ್ನು ಬೆಳೆಸಲಾಯಿತು.
• ನಾನು ದೊಡ್ಡವನಾದಂತೆ, ಅದೇ ಸಾಕಾ? ಅದು ಕೇವಲ ಅದೃಷ್ಟವೋ? ಎಂಬ ಪ್ರಶ್ನೆಗಳು ನನ್ನ ಮನಸ್ಸಿನಲ್ಲಿ ಮೂಡತೊಡಗಿದವು. ಹಲವು ವರ್ಷಗಳ ಕಾಲ, ನನ್ನ ಬಳಿ ಇನ್ನೇನು ನೀಡಲು ಏನೂ ಇಲ್ಲವೇನೋ ಎಂಬ ಭಯವಿತ್ತು. ನಾನು ಏನೇ ಮಾಡಿದರೂ, ನಾನು ಬಾಲ್ಯದಲ್ಲಿ ಸಾಧಿಸಿದ್ದನ್ನು ಮೀರಲು ಸಾಧ್ಯವಾಗುವುದಿಲ್ಲ ಎಂಬ ಭಾವನೆ ನನಗೆ ಕಾಡುತ್ತಿತ್ತು.
• ಹಿಂದಿನ ವರ್ಷ ಇದೇ ಸಮಯದಲ್ಲಿ, ನನಗೆ ಬೇಕಾಗಿದ್ದು ಕೇವಲ ಒಂದು ಕೆಲಸ ಮಾತ್ರ. ಆದರೆ ಇದು ಇನ್ನೂ ಉತ್ತಮವಾಗಲು ಸಾಧ್ಯವಿಲ್ಲ ಎಂದು ನಾನು ಭಾವಿಸಿದ ಕ್ಷಣದಲ್ಲೇ, ಅದು ಇನ್ನೂ ಉತ್ತಮವಾಯಿತು. ಇದು ಎಂತಹ ಅದ್ಭುತ ಗೌರವ!
• ನಾನು ಅಭಿನಯದಿಂದ ದೂರವಾದಾಗ, ನಾನು ಕನಸು ಕಂಡಿದ್ದ ಎಲ್ಲಾ ಕನಸುಗಳು – ಒಮ್ಮೆ ಆಸ್ಕರ್ ರೆಡ್ ಕಾರ್ಪೆಟ್‌ನಲ್ಲಿ ನಡೆಯುವ ಕನಸುಗಳೂ ಸಹ – ಮಾಯವಾಗಿ, ಅವು ಮತ್ತೆ ಎಂದಿಗೂ ನಿಜವಾಗುವುದಿಲ್ಲವೆಂದು ಅನಿಸುವಷ್ಟು ದೂರವಾಗಿದ್ದವು. ಆದರೆ ಇಂದು ನಾನು ಇಲ್ಲಿ ನಿಂತು ನಾಮನಿರ್ದೇಶನಗೊಂಡಿರುವುದು ನನಗೆ ಕನಸಿನಂತಿದೆ. ಇದು ತೋರಿಸುತ್ತದೆ – ನೀವು ಹಿಡಿದುಕೊಂಡು ಹೋರಾಡಿದರೆ, ಎಷ್ಟು ಸಮಯ ಬೇಕಾದರೂ ಕನಸುಗಳು ನಿಜವಾಗುತ್ತವೆ.