ವಿಷಯಕ್ಕೆ ಹೋಗು

ಆಲಿಸ್ ಮನ್ರೋ

ವಿಕಿಕೋಟ್ದಿಂದ
ಆಲಿಸ್ ಮನ್ರೋ

ಪರಿಚಯ

[ಸಂಪಾದಿಸಿ]

ಆಲಿಸ್ ಮನ್ರೋ (ಆಲಿಸ್ ಆನ್ ಮನ್ರೋ; ಜುಲೈ ೧೦, ೧೯೩೧ – ಮೇ ೧೩, ೨೦೨೪) ಕೆನಡಾದ ಲೇಖಕಿ, ಪ್ರಮುಖವಾಗಿ ಸಣ್ಣಕಥೆಗಾರ್ತಿ. ೨೦೧೩ರ ಸಾಹಿತ್ಯದ ನೊಬೆಲ್ ಪ್ರಶಸ್ತಿ ಪುರಸ್ಕೃತೆ. ತಮ್ಮ ಜೀವಮಾನದ ಸಾಹಿತ್ಯ ಸಾಧನೆಗಾಗಿ ೨೦೦೯ರ ಮ್ಯಾನ್ ಬುಕರ್ ಅಂತರರಾಷ್ಟ್ರೀಯ ಪ್ರಶಸ್ತಿ ಪಡೆದಿದ್ದರು.

ಉಲ್ಲೇಖಗಳು

[ಸಂಪಾದಿಸಿ]
  • ಜನರು ಕುತೂಹಲಿಗಳು. ಕೆಲವರು ಮಾತ್ರ. ಕ್ಷುಲ್ಲಕ ವಿಷಯಗಳಾದರೂ ಸರಿ, ಅವುಗಳನ್ನು ಕಂಡುಹಿಡಿಯಲು ಅವರು ಪ್ರೇರೇಪಿತರಾಗುತ್ತಾರೆ. ತಾವು ತಪ್ಪಾಗಿರಬಹುದು ಎಂದು ತಿಳಿದಿದ್ದರೂ ವಿಷಯಗಳನ್ನು ಜೋಡಿಸುತ್ತಾರೆ... ಕಾಲದ ಈ ಸಣ್ಣ ಹರಿವನ್ನು ಕಾಣುವ, ಒಂದು ಸಂಬಂಧವನ್ನು ಕಲ್ಪಿಸುವ, ಕಸದಿಂದ ಒಂದು ವಸ್ತುವನ್ನು ರಕ್ಷಿಸುವ ಆಸೆಯಿಂದ.
    • ಮೂಲ: "Friend of My Youth", Friend of My Youth (೧೯೯೦)
  • ನಿಮ್ಮ ನಿಜವಾದ ಅವಮಾನಗಳ ಹತ್ತಿರವೂ ನಿಮ್ಮ ತಂದೆತಾಯಿಯರನ್ನು ಬರಗೊಡಬಾರದು.
    • ಮೂಲ: Open Secrets (೧೯೯೪)
  • ಕಥೆ ಎಂಬುದು ಅನುಸರಿಸಬೇಕಾದ ರಸ್ತೆಯಂತಲ್ಲ... ಅದು ಒಂದು ಮನೆಯಂತೆ. ನೀವು ಒಳಗೆ ಹೋಗಿ ಸ್ವಲ್ಪ ಕಾಲ ಅಲ್ಲಿರುತ್ತೀರಿ, ಅತ್ತಿತ್ತ ಅಲೆದಾಡುತ್ತೀರಿ, ಇಷ್ಟವಾದ ಕಡೆ ನೆಲೆಸುತ್ತೀರಿ, ಕೋಣೆಗಳು ಮತ್ತು ಹಜಾರಗಳು ಒಂದಕ್ಕೊಂದು ಹೇಗೆ ಸಂಬಂಧಿಸಿವೆ ಎಂದು ಕಂಡುಕೊಳ್ಳುತ್ತೀರಿ, ಈ ಕಿಟಕಿಗಳಿಂದ ನೋಡಿದಾಗ ಹೊರಗಿನ ಜಗತ್ತು ಹೇಗೆ ಬದಲಾಗುತ್ತದೆ ಎಂದು ತಿಳಿಯುತ್ತೀರಿ... ನೀವು ಮತ್ತೆ ಮತ್ತೆ ಹಿಂತಿರುಗಬಹುದು, ಮತ್ತು ಆ ಮನೆ, ಆ ಕಥೆ, ಹಿಂದಿನ ಬಾರಿ ನೀವು ಕಂಡದ್ದಕ್ಕಿಂತ ಹೆಚ್ಚನ್ನು ಸದಾ ಒಳಗೊಂಡಿರುತ್ತದೆ.
    • ಮೂಲ: Selected Stories, 1968–1994 (೧೯೯೬)
  • ಕೆಲವೇ ಜನರ ಬಳಿ, ಅತಿ ಕೆಲವರ ಬಳಿ, ಒಂದು ನಿಧಿ ಇರುತ್ತದೆ; ನಿಮ್ಮ ಬಳಿ ಇದ್ದರೆ ನೀವು ಅದನ್ನು ಗಟ್ಟಿಯಾಗಿ ಹಿಡಿದಿಟ್ಟುಕೊಳ್ಳಬೇಕು. ದಾರಿ ತಪ್ಪಿ, ಅದನ್ನು ನಿಮ್ಮಿಂದ ಕಸಿದುಕೊಳ್ಳಲು ಬಿಡಬಾರದು.
    • ಮೂಲ: Runaway (೨೦೦೪)
  • ನಿಮ್ಮ ಜೀವನದಲ್ಲಿ ಕೆಲವು ಸ್ಥಳಗಳಿರುತ್ತವೆ, ಅಥವಾ ಬಹುಶಃ ಒಂದೇ ಸ್ಥಳ, ಅಲ್ಲಿ ಏನೋ ಸಂಭವಿಸಿರುತ್ತದೆ; ಮತ್ತು ನಂತರ ಉಳಿದೆಲ್ಲಾ ಸ್ಥಳಗಳು.
    • ಮೂಲ: "Too Much Happiness", Too Much Happiness (೨೦೦೯)
  • ತನ್ನ ಸುತ್ತಲಿನ ಅನೇಕರಿಗೆ ಬಾಲ್ಯದಿಂದಲೇ ತಿಳಿದಿದ್ದಂತೆ ಕಾಣುತ್ತಿದ್ದುದನ್ನು ಅವಳು ತುಂಬಾ ತಡವಾಗಿ ಕಲಿಯುತ್ತಿದ್ದಳು: ದೊಡ್ಡ ಸಾಧನೆಗಳಿಲ್ಲದೆಯೂ ಬದುಕು ಸಂಪೂರ್ಣ ತೃಪ್ತಿದಾಯಕವಾಗಿರಬಹುದು.
    • ಮೂಲ: "Too Much Happiness", Too Much Happiness (೨೦೦೯)
  • "Too Much Happiness" ಎಂಬುದು ಸೋಫಿಯಾ ಕೊವಲೆವ್‌ಸ್ಕಯಾ ಕುರಿತ ನೈಜ ಕಥೆ... ನಾನು ಆ ಕಥೆಯನ್ನು ಪ್ರೀತಿಸುತ್ತೇನೆ – ನಾನು ಅವಳನ್ನು ಪ್ರೀತಿಸುತ್ತೇನೆ. ಅವಳ ಸ್ತ್ರೀತ್ವವನ್ನು, ಅವಳ ಬಲಗಳೊಂದಿಗೆ ದೌರ್ಬಲ್ಯಗಳನ್ನೂ ಪ್ರೀತಿಸುತ್ತೇನೆ.
    • ಮೂಲ: Virginia Quarterly Review ಸಂದರ್ಶನ (ಅಕ್ಟೋಬರ್ ೨೨, ೨೦೧೦)
  • "ಮುಖ್ಯವಾದುದು ಸಂತೋಷವಾಗಿರುವುದು," ಎಂದ ಅವನು. "ಏನೇ ಆಗಲಿ. ಅದನ್ನೊಮ್ಮೆ ಪ್ರಯತ್ನಿಸು. ನಿನ್ನಿಂದ ಸಾಧ್ಯ. ಅದು ಹೆಚ್ಚು ಹೆಚ್ಚು ಸುಲಭವಾಗುತ್ತಾ ಹೋಗುತ್ತದೆ. ಅದಕ್ಕೂ ಸನ್ನಿವೇಶಗಳಿಗೂ ಸಂಬಂಧವಿಲ್ಲ... ಎಲ್ಲವನ್ನೂ ಒಪ್ಪಿಕೊ, ಆಗ ದುರಂತ ಮಾಯವಾಗುತ್ತದೆ. ಅಥವಾ ಕನಿಷ್ಠ ಹಗುರವಾಗುತ್ತದೆ."
    • ಮೂಲ: Dear Life (೨೦೧೨)
  • ನನ್ನ ಕಥೆಗಳು ಜನರನ್ನು ಕಲಕಬೇಕು ಎಂದು ನಾನು ಬಯಸುತ್ತೇನೆ – ಅವರು ಗಂಡಸರೋ, ಹೆಂಗಸರೋ, ಮಕ್ಕಳೋ ನನಗೆ ಮುಖ್ಯವಲ್ಲ... ಅದು ಸುಖಾಂತ್ಯವೇ ಆಗಬೇಕೆಂದಿಲ್ಲ, ಆದರೆ ಕಥೆ ಹೇಳುವ ಪ್ರತಿಯೊಂದೂ ಓದುಗನನ್ನು ಎಷ್ಟು ಕಲಕಬೇಕೆಂದರೆ, ಓದಿ ಮುಗಿಸಿದಾಗ ನೀವು ಬೇರೆಯೇ ವ್ಯಕ್ತಿಯಾಗಿದ್ದೀರಿ ಎನಿಸಬೇಕು.
    • ಮೂಲ: ನೊಬೆಲ್ ಉಪನ್ಯಾಸ (೨೦೧೩)

ಬಾಹ್ಯ ಕೊಂಡಿಗಳು

[ಸಂಪಾದಿಸಿ]
w
w
ವಿಕಿಪೀಡಿಯದಲ್ಲಿ ಇದರ ಬಗ್ಗೆ ಒಂದು ಲೇಖನವಿದೆ:

ವಿಕಿಮೀಡಿಯ ಕಾಮನ್ಸ್‌ನಲ್ಲಿ ಆಲಿಸ್ ಮನ್ರೋ ಕುರಿತ ಹೆಚ್ಚಿನ ಚಿತ್ರಗಳಿವೆ.